Кораб

 

Кораб

Потребно е само да се фрли поглед на планинскиот масив Кораб, за да се почувствува предизвик да се искачи и да се скроти неговата грандиозна крепост. На Кораб се наоѓа и највисоката точка во Македонија – врвот Голем Кораб (2764 метри).

Искачувањето по овој или по другите врвови претставува неповторлива авантура, при што човек има чувство дека може да го допре небото.

 

 

Според многумина, планината Кораб претставува најубав релјеф во Македонија. Поради природните реткости и богатства, влегува во склоп на националниот парк Маврово. Кораб е воедно и најалпска планина на оваа територија, богата со алпска флора. На неа се извишуваат дури 52 врва повисоки од 2000 метри.

Ридовите на Кораб се исклучително стрмни, а на некои места се забележуваат вертикални карпи, кои се високи и по стотина метри. Една третина од планината изобилува со листопадни шуми, а половина од алпскиот појас го сочинуваат пасишта.

 

 

Богат е со потоци и реки, кои имаат брзи текови и наизменично течат низ кањони и долини. Највисок изворишен дел и најатрактивно течение со дури три кањони има Длабока Река. Со своите 130 метри, водопадот на оваа река е највисок на Балканот. Карактеристично е тоа што водопадот може да се види јасно од далечина само во пролетните месеци и во почетокот на летото, а зимно време е замрзнат.

Дополнителна убавина на планината ѝ даваат глечерските езера. Кораб го красат осум постојани езера, а од нив најголемо е Корабското Езеро, кое се наоѓа на висина од 2470 метри и кое претставува највисока водена површина во Македонија –  вистински планински бисер.

 

 

Promote your Service

Accomodation

Add up to 3 images.

Validation code:
Enter the code above here :

Can't read the image? click here to refresh.