Планински велосипедизам


Планински велосипедизам

Планинскиот велосипедизам станува се позастапен спорт во Република Македонија, каде постојат буквално илјадници вон-теренски (off-road) и крос патеки. Секој планински клуб изнајмува велосипеди и организира регионални тури за планински велосипедизам и помали локални тури. Како клубови, тие исто така го поттикнуваат развојот на велосипедски патеки во цела Македонија, како и на локалниот одржлив туризам за историските и природните локалитети од интерес.


Planinski velosipedizam

Специфики на Македонија

Дневните награди за вашиот напор се величествени глетки, кои ви го запираат здивот и остануваат како визуелен потсетник на возвишената убавина на Македонија, на планинските села со шармантна архитектура зачувани од минатото, изобилството на флора и фауна ендемични за овие единствени балкански планини, свежи како роса и бистри како кристал глацијални езера кои го заслепуваат умот.


Велосипедска култура за планински велосипедизам

Велосипедската култура во Македонија последните години доживува подем. Велосипедски патеки се прават и надвор од урбаните средини, а интересот за планински велосипедизам енормно расте. Некои патеки за велосипедизам во планина се долги и повеќе од 30км.


Planinski velosipedizam

Планински велосипедизам на Галичица

Галичица е прекрасно место за планински велосипедизам. Патеката ги задоволува критериумите и на возачите кои прават почетни чекори  и на поискусните. Возењето по оваа патека на учесниците им нуди еден незаборавен поглед кон Охридското Езеро на потегот од Охрид до Крстец, етапата 1 – 3, поглед кој вечно останува во сеќавање. Останатиот дел од патеката  е трасиран по планинска висорамнина со тревна покривка. Изобилството на разновидната флора и интересните релјефни форми дополнително го зголемуваат задоволството при возењето.


Planinski velosipedizam

Планински велосипедизам во Маврово

Една од најубавите патеки за планински велосипедизам е во Национален парк Маврово. Како што кажува нејзиното име, патеката нуди фантастично велосипедско искуство со уживање во најубавите пејсажи и панорами во паркот. Стартната точка е веднаш над селото Леуново кај месноста Студенче, каде што и формално завршува оваа кружна патека. Меѓутоа, со оглед на тоа што во паркот има развиена мрежа на патеки за планински велосипедизам, почетокот и крајот на турата може да се адаптираат според желбите и податоците од мапата.


Најголемиот дел од патеката се протега по цврст и широк земјен пат кој во делот од селото Леуново до месноста Батковица, како и од месноста Царевец до Маврово, се наоѓа во шума, а останатиот дел е во зоната на пасишта каде што доминираат убави пејсажи и панорами. Дел од патеката се поклопува со локалните асфалтни патишта. Ориентацијата по патеката е лесна и долж истата има голем број маркации и патокази кои јасно го покажуваат патот. На четири до пет места долж патеката има вода за пиење. Угостителски објекти има само покрај Мавровското езеро. Техничките тежини се умерени.


Planinski velosipedizam



 

Promote your Service

Activity

Add up to 3 images.

Validation code:
Enter the code above here :

Can't read the image? click here to refresh.